Subscribe:

Ashq.....


written by a close friend of mine.... worth reading!!!!
ashq...

ek ashq ne dil kii dastaan bataani chaahi....
jab jubaan khamosh rahi to woh baat kahani chaahi...
saare armaano ko apnii bahon mein sametaa....
fir palkon pe dheere se kaamptaa saa kadam rakhaa......


tabhi ek khayaal ne ashq ko samjhaaya...
kii usne bhii kai baar waqt kiyaa thaa zayaa....
zahir hote tak sab maayne badal jaate hain....
jo ab saath hai armaan woh palkon par rah jaate hain...

ashq thithkaa...kucch ghabraaya.....
fir kucch sochaa aur muskaayaa..
us khayaal kii badhkaar hatheli thaami...
aur fir vishwaas se bhari ek baat bataayee...

" Mujhe to ek din sab se bidaa hona hii hai....
bahar jaake kissi mein astitva khonaa hii hai...
armaan hai kii us ki ungliyon me mil jaaoon...
yaa fir adhron par gumnaam hii kho jaaoon.."

ashq chala..palkon se chhalkaa....akela...
umeed se bharaa...tha kabhi dil mein pala...
uske annt se nayee shuruaat hui.....
ek muskaan kii yaa...ek aur ashq kii....

0 Comments:

Related Posts